datelavueltaqueensantiagosehaceasi

VINTE

2009-01-25T16:38:00.004Z

Ter esquecido o blog non implica que de cando en vez non te lembres del. Especialmente para felicitar o aniversario a Adriana, á que teño que agradecerlle, senón todo, si moito do ben que me sinto. Grazas e felicidades, aínda que fora onte.

Na imaxe, nun take away no barrio de Chueca, en Madrid, intres antes de ir comer ao "Bazaar".

FELIZ ANO

2008-12-31T16:24:00.002Z

Feliz ano a todos os lectores deste blog, supoño que cada vez menos ou ningún porque mira que leva tempo sen actualizarse. Espero ter máis tempo no 2009. A verdade é que o boto algo de menos. Por certo, en nada vou á tradicional toma do derradeiro viño do ano cos amigos. Un bo momento, polo que paga a pena avanzar, aínda que sexa con dificultades, os 364 días anteriores. Ánimo que xa queda menos para o verán.

32 ANOS

2008-10-26T17:41:00.002Z

Neste tempo que pasei sen estar con vós acadei 32 anos. Tras agradecervos as numerosas felicitacións que me fixestedes chegar de distintos xeitos, comentarvos que esa idade non ten nada de especial, non é, coma o resto, ningún aniversario diferente. Non si, teño que dicir que os 32, un número máxico por excelencia, sentáronme de marabilla. De feito, e aínda que sexa ridículo fixalo nunha data tan concreta, creo que abren a porta aos mellores momentos da miña existencia. Non sei, situáronme nun estadio superior, por riba de moitas cousas, cunha madurez, frialdade e serenidade á hora de tomar decisións que nunca sentira. Xa tiven a oportunidade de aplicar esa suposta calidade que me deron eses 32 e a verdade é que me atopo moi satisfeito do resultado. Non é que antes non meditara as cousas, pero agora consigo facelo cunha tranquilidade e intelixencia para min nunca vista. Así que en diante tentarei aproveitar estes bos momentos que se aveciñan nos vindeiros anos, ese raciocinio que axuda a superar as situacións máis fodidas (por certo, xa sufridas en carnes e iso que só levo unha semana neste marabilloso labirinto). Estou en racha!

27 DÍAS

2008-10-24T19:22:00.003+01:00

Facía 27 días que non entraba no blog e hoxe doume por aí. A verdade é que foi unha sensación estrana, como volver a casa tras un mes de vacacións... Todo estaba cheo de pó e, ao igual que nun retorno, non sabes se queres dar a volta e saír de novo de viaxe para non volver nunca máis ou poñer as zapatillas e abrir unha cervexa cun pouco de xamón tirado no sofá como tomando posesión dos teus dominios. Neste tempo pasaron moitas cousas, quizáis demasiadas, cousas das que vos enteraríades algúns porque participastes nelas e cousas das que non teredes nin idea e que posiblemente nunca saibades porque son tantas que non vou recopilalas. Houbo vodas, aniversarios, falecementos, enfermidades, alegrías, tristuras... Houbo de todo e daste de conta de como corre o mundo. Miles de cousas, aquí non contadas, en 27 días. Miles de cousas que mudaron, para ben ou para mal segundo o caso, as vidas de moitos de vós/nós. Miles de cousas en só 27 días. Miles de cousas en, manda carallo, 27 días. Seguide sendo felices.
O blog non está morto, está tomando cañas.

RAFA E OS PACTOS

2008-09-26T11:05:00.002+01:00

Hoxe sae á luz en Vieiros un novo artigo de Rafa que (ía dicir nesta ocasión, pero vou dicir coma sempre) aborda cuestións políticas. Neste punto se centra nas posibilidades dun pacto entre o PP e o BNG, pero eu como que non o vexo...

PENSANDO...

2008-09-25T19:08:00.002+01:00

...pero xa volvemos axiña.

A FRASE

2008-09-20T12:05:00.002+01:00

"Yo hago los descubrimientos y luego otros se llevan el oro". Adriana Viz, de profesión descubridora.

AGAZAPADO

2008-09-18T10:29:00.011+01:00

Estou aquí e teño bastantes cousas que contar, pero, por circunstancias, atópome agazapado, á espera de que haxa o tempo e o espazo necesario para que a tinta volva fluír. Non será a tardar. Aburiño. Ssssssssssssssssssshhhhhhhhhhhhhhhhhhhhhhhhh!!!!!!!!!!!!!!!!!!!!!!!!!!!!!!

SEN PALABRAS...

2008-09-18T10:29:00.008+01:00

Feliz debut a Os Xabañús (o Balonmán Nattex de toda a vida).

GALICIA NO NYTIMES

2008-09-18T10:29:00.005+01:00

The New York Times publicou esta pasada fin de semana un novo artigo sobre Galicia. Nesta ocasión, o xornalista Andrew Ferren fala da súa visión facendo un percorrido montado no noso precario tren. Pinchade e así de paso practicades o inglés.

LADRAN, LOGO CABALGAMOS

2008-09-18T10:29:00.002+01:00

Como di o outro "que falen de nós aínda que sexa mal", así que non lle imos dar o gusto. Unha aperta a Yourhouses.

CHURRASQUITO MUST GO ON

2008-09-12T17:09:00.002+01:00

Que non se diga! e, como apuntou moi ben alguén moi intelixente, chegado o caso sempre se pode pasar a carne polo pasapuré. Con 18 quilos de carne de porco, 12 de tenreira e 9 empanadas imos servidos.

XOEL

2008-09-12T16:58:00.005+01:00

Caeume moi ben Xoel, cunha conversa interesante, aínda que é de xustiza recoñecer que é clavadiño a Lilho, pero en feo (momento aceno ao Trío Ternura).
Entrada adicada a Marga (ausente), Marta, Adri e, sobre todo, Almu.

O 1 de novembro pecha a súa xira na Coruña e logo tomará un ano sabático.

CASOU "SE"

2008-09-12T16:52:00.003+01:00

Levaba estes días buscando un oco para falar da voda de José, pero finalmente non o puiden facer ata hoxe, xa ben pasada a cerimonia. Falei con el xusto unha semaniña antes no Treu e estaba emocionado. Así que, que menos que felicitalo a el e a Bea. Tamén destacar o parlamento do Doutor Miramontes, que me dixeron que foi espectacular.

DAMIEN HIRST

2008-09-12T16:44:00.002+01:00

O polémico artista Damien Hirst acaba de iniciar unha exposición, posiblemente a máis irreverente da súa traxectoria, na sala Sothebys. A colección está conformada por 223 obras, entre as que se atopa unha cebra en formol ou un unicornio, que se sacarán a subasta sen intermediarios e que auguran unha cantidade millonaria que podería superar os 70 millóns de euros. Eso sí, a aposta ten risco polo enfrontamento que supón cos propios marchantes.

SENTENZA SOBRE A PROSTITUCIÓN

2008-09-12T16:31:00.002+01:00

Xusto un día despois de que fixera un post sobre o actual estado da prostitución en España, saíu á luz unha nova sentenza sobre esta práctica. O fallo xudicial foi emitido polo Tribunal Superior de Xustiza de Galicia e segue a tendenza doutros organismos similares en Madrid ou Valencia. Lede a nova que ten o seu aquel.

PAQUI PEÑA

2008-09-12T11:57:00.002+01:00

Aquí vai un vídeo imprescindible da reporteira Paqui Peña, do programa Está Pasando. Menuda reportaxe que fixo cun castelo de area que levou 16 días construir. Creo que é unha fenómena que ata recibiu unha couce en directo.

TAN POUCO VALES QUE TES QUE PAGAR

2008-09-11T18:53:00.003+01:00

Ultimamente están a proliferar as noticias sobre o mundo da prostitución, posiblemente porque comeza a producirse un debate social sobre a necesidade de buscar solucións ao considerado negocio máis antigo do mundo. Así, están os que optan pola legalización alegando que non se poden poñer portas ao mar e os que cren que hai que recrudecer a súa prohibición para tratar de atallar o problema.

Hai cousa de semanas lin que as prostitutas estaban baixando as súas tarifas ata un 50% por mor da crise, xa que senón non tiñan clientes. Non obstante, poucos días despois apareceu un balance da patronal do sector (é dicir, os proxenetas) que cifraba en 50 millóns de euros o volume de negocio DIARIO en España.

Todo isto complétase coa polémica campaña da Junta de Andalucía, que quere afrontar o problema dende a perspectiva do cliente. Coa máxima "se non hai clientes, non ha prostitución", o goberno andaluz está enchendo as cidades da súa comunidade con pancartas e cartaces baixo o lema "¿Tan poco vales que tienes que pagar?". A verdade é que a frase de marras si que chega á dignidade de cada un.

Tema interesante, que ao mellor da para unha enquisa un día destes.

OUTRO BLOGASTRÓNOMO

2008-09-11T18:41:00.002+01:00

Atopei de casualidade un blog adicado á gastronomía, que responde ao nome de Receitas de Teo e aborda dun xeito máis exclusivo a preparación de pratos que o propio Papar e Vivir. Por se vos é de utilidade podedes botarlle unha ollada, aínda que esta entrada vai adicada especialmente a Nico que ultimamente hai que admitir que está moi traballador. Seguro que saca(des) algo en claro.

A PROL DA REVISION DO FRANQUISMO

2008-09-11T18:32:00.002+01:00

A sondaxe realizada neste blog sobre o proceso de revisión de certos aspectos do franquismo que iniciou o xuíz Garzón deparou un 75% de partidarios coa operación do maxistrado. O 22% dos participantes está en desacordo con que se remova o pasado e o 3% di que depende do caso. Houbo moita participación.

A VODA DE BEGOÑA

2008-09-09T21:04:00.004+01:00

Non vou contar a voda de Begoña dun xeito moi concreto, pero si as principais anécdotas. Javi ten unha piscifactoría de nécoras na casa, porque non é normal meter oito por cabeza; os invitados estábamos todos moi delgados; Colmeiro e a inesquecible entrevista con Pau Gasol; os noivos non foron para o cura de milagre (ofrecer, ofrecéronllo); a baralla do Madrid ía ser para min...; Ana e Nacho xa levan catro noivos; algún vestido era "moi bonito"; e en menos de dez día xa temos outra.

A FORZA DUNHA MANIFESTACIÓN

2008-09-09T21:00:00.002+01:00

Dezaséis anos de forza tiveron os nosos berros, consignas e a mobilización de centos de mozos. Corría o ano 92 cando os alumnos do instituto estradense comezamos unha manifestación contra a Guerra do Golfo e acabamos reclamando a reapertura do pub Sucursal, daquela pechado por Campos. "Chito, a..., abre o Sucursal", eran as nosas verbas. Hoxe, dezaséis anos despois e cun novo goberno, o peche parece definitivo. Mágoa que xa non teñamos aquelas inquedanzas... e tamén que xa hai anos que non o pisamos.

MÁIS PUCOS

2008-09-09T20:57:00.002+01:00

O CSIC trae 1.400 ovos de tartaruga boba para repoboar as costas das Illas Canarias e Andalucía.

CHE EL ARGENTINO

2008-09-09T20:35:00.003+01:00

Tras tempo sen nada que me chamara dende a carteleira, teño que admitir que Che el Argentino si que me aporta o suficiente atractivo. Un filme no que, segundo Del Toro e Soderbergh, se tentou non poñer ao mítico persoeiro nin coma un demo nin coma un deus. Non se trata dunha película de guerra, senón dunha revolución. Xa vos contarei.

Máis información no web do filme.

XA ESTADES AÍ

2008-09-09T10:15:00.003+01:00

Xa se nota que maioritariamente remataron as vacacións e todos volvedes as vosas tarefas habituais, entre elas entrar neste blog. Hoxe, e iso que algúns aínda seguen en época estival, rexistráronse case 400 visitas, a cifra máis alta dende o 26 de maio.

OS CORDEIRIÑOS

2008-09-08T12:23:00.003+01:00

Houbo cea de despedida dos dous cordeiriños da casa (Javi e Xan) antes do seu paso polo matadoiro do matrimonio. Foi no Asturiano.

O de Javi xa non ten arranxo, pero deso falaremos mañá.

EXITOSA ALGARABÍA

2008-09-08T11:24:00.007+01:00

A Algarabía (pese ás dúbidas de KG) celebrouse esta fin de semana e o fixo con moito éxito de público, de calidade e variedade da programación e de climatoloxía. Destacaría, como inxeniosa, a inauguración do Puto Palco da Puta Praza Europa, pero todo estivo moi ben.

Manuel quedou tan convencido que xa avoga por unha "jam session" cunhas cervexas para algunha tarde das Festas das Dores.

VIEIRAS CON TOXINA

2008-09-08T11:18:00.002+01:00

Durante toda a fin de semana, diversos medios levan informando dun presunto delicto contra a saúde pública no que estarían imputados algúns famosos restauradores de Galicia. Ao parecer estaban nunha rede de comercialización de vieiras con toxina procedentes da ría ferrolá. Entre os imputados, atópase a coñecida restauradora compostelana Toñi Vicente, así como outros dous prestixiosos cociñeiros de Poio e Sanxenxo dos que aínda non trascendeu o nome. Incalificable e surrealista.

FOTOMONTAXES

2008-09-08T11:09:00.003+01:00

Nesta fin de semana saíu unha reportaxe sobre os fotomontaxes máis polémicos que reflicte a manipulación que se fai de certas fotografías e situacións. Se queredes averiguar máis cousas incertas sobre potencial armamentístico, torres xemelgas, ditaduras mundiais... só tedes que pinchar no enlace de arriba. É moi curioso.

MORREU O RUXERUXE

2008-09-08T11:01:00.002+01:00

O portal Ruxeruxenaestrada, que xa acadara unha importante sona no concello, morreu, xa que os seus creadores decidir dar paso a unha nova etapa. Eso si, non deixaron de lado o proxecto en Internet senón que avanzaron cara outro portal, AEstrada.info, que vai substituír ao outro nos enlaces da esquerda. Sorte nesta nova andaina!

CALCADIÑOS

2008-09-08T10:58:00.001+01:00

Un saúdo aos compañeiros.

MEMORIA HISTÓRICA

2008-09-03T21:18:00.002+01:00

O proceso de revisión aberto polo xuíz Garzón e outros maxistrados da Audiencia Nacional respecto ás vítimas do franquismo abriu un enconado debate sobre a súa idoneidade. Para algúns trátase de facer xustiza e de poder saber onde están soterrados os restos dos seus familiares. Para outros non se trata máis cunha actividade propagandística do xuíz que pretende acabar co espírito conciliador da Transición. Que opinades? Imos abrir unha enquisa para estrealas tras o verán.

ÚLTIMA NOVA DE AZNAR

2008-09-03T21:12:00.002+01:00

Un diario marroquí afirma que Aznar deixou preñada á ministra de Xustiza de Francia, Rachida Dati. Inmediatamente, o ex presidente negou a noticia a través dun comunicado.

P.D. Estará relacionado esto co que, no seu día, lle dixo Llamazares a Ana Botella: "Con vostede non vou ser crítico que está a pasar por unha situación persoal moi complicada?

MARTASI

2008-09-03T21:10:00.002+01:00

A pasada fin de semana estivo de aniversario Martasi, que xa adiantou a festa ao venres no Currás. A verdade é que botou unhas risas malia que algúns nos centramos máis nas cartas. Felicidades.

SÁBADO CASE AO COMPLETO

2008-09-03T21:06:00.003+01:00

O sábado estivemos, e xa facía ben tempo que o verán foi traizoneiro, case ao completo. Moito quórum e bos ratos, pero a miña casa estaba coma nunca. A pintura é o que ten.

UN RATO CON DONO

2008-09-03T21:04:00.002+01:00

De prazos incumpridos, arrepentimentos, extraterrestres, comodidade e unhas risas.

COMEZOU O FÚTBOL

2008-09-03T11:38:00.002+01:00

Arrancou a Liga e xa hai nove meses para ir botándolle un ollo nas horas mortas. Para min, vai ser a Liga de Agüero, ao que considero mellor ca Messi. Mentres o atlético pisa con enerxía e a cabeza alta mirando aos demais, o culé vai coa cachola gacha tentando ser Maradona en todas as xogadas. No Madrid, máis do mesmo. Debe ser o primeiro ano no que ingresa máis en ventas do que gasta en fichaxes. En todo caso, Robben debe ir a máis e Higuaín pode ser a sorpresa.

A HORTA MUSICAL

2008-09-02T21:14:00.002+01:00

Onte, a horta musical de Lalín viviu a súa primeira gran colleita. Celso e compaña, nunha brilante iniciativa que quizáis non teña precedentes no ámbito mundial, conseguiron uns productos estupendos. Dou fe pola parte, en forma de cenorias e remolachas, que me tocou. As remolachiñas estaban duras, cun perfecto punto crú, saborosas, con certo arume a terra que as facía inesquecibles... As cenorias aínda non caeron. En xaneiro vou ter que animarme.
Foto de Javi Lalín.

30 ANOS DE LEGO

2008-09-02T21:09:00.002+01:00

Os monecos de Lego, eses amareliños, acaban de cumprir trinta anos de vida. Nos seus comezos houbo a esixencia de que foran desa cor e de que non se lle notaran distintivos de raza, sexo e demais, condicións que desapareceron cando se creou o modelo pirata. Hoxendía xa non son tan amarelos e buscan unha estética máis similar á das estrelas de Hollywood. Fabricados en Dinamarca, véndense 122 millóns de pezas ao ano.

OS MAPAS DO WI-FI

2008-09-02T20:59:00.002+01:00

Diversos internautas xa comezaron a elaboración de mapas cos locais, establecementos ou institucións galegos onde hai conexión wi-fi gratuíta a Internet. A iniciativa, de grande interese sobre todo cando un está nunha localidade que non é a súa, avanza a gran ritmo. Como exemplo póñovos un enlace a Xosé Manuel Rodríguez, que xa fixo a plano de Santiago. Aquí tedes unha primeira lista.

Baseado nunha historia real:Rúa Santiago de Chile, 32
Café Del Bolengo:Ramón Cabanillas, 17.
Café Teatro Garigolo:Rúa Algalia de Arriba, 1
Cafetería El Campus:Rúa Rosalía de Castro, 87.
Touro Tolo:Rúa Entremuros
Terra Nova:Plaza Rodrigo de Padrón.
Café Lembranza:Rúa Montero Rios, 39
Cafetería Carballal:Rúa San Pedro De Mezonzo 30
Bar Fusion:Rúa de Frei Rosendo Salvado 9
Centro Sociocultural del Ensanche:Rúa de Frei Rosendo Salvado, 14
Pub Ocurruncho:Rúa Entremuros 12
Estación de Autobuses de Santiago:Rúa de Tomiño
M* Café y copas:Fonte de Santo Antón nº15
Central Perk:Rúa Nova de Abaixo.
La Taquilla:Rúa de Fernando III ‘O Santo’, 14
Tupperware:Rúa de Frei Rosendo Salvado 28
Café Garigolo:Rúa da Algalia de Arriba, 1
Trapitos y joyas:Rúa de Santiago de Chile 31
El Rincon De Gurpegui:Rúa Frei Rosendo Salvado 15
Café Recantos:Rúa San Miguel Dos Agros 2
Van Gogh Book:Rúa Travesa, 4
Centro Sociocultural De Fontiñas
Centro Sociocultural Aurelio Aguirre De Conxo, Plaza Aurelio Aguirre 1
Centro Sociocultural Jose Saramago De Vite:Rúa Carlos Maside 7
Cafetería Masterpool:Rúa Rosalía de Castro
Cafetería Kedaki:Rúa dos Salgueiriños de Abaixo 4
Cafetería del Auditorio De Galicia:Avenida Burgo Das Nacións S/N
Cafetería Airas Nunes:Rúa Do Vilar 17
Centro Sociocultural O Castiñeiriño:Rúa da Virxe de Fátima 1
Café ++++:Rúa do Vilar, 23
Peña Barcelonista de Santiago de Compostela:
Bar A Estrada. Rúa da Estrada
Centro Sociocultural de Sar:Colegiata de Sar. Rúa Sar S/N
Cafetería Sport:Rúa da República Arxentina, 35
Café Bar Vivacce: Rúa de Ramón Cabanillas, 13
Cafetería Rúa Bella: Rúa Nova.

DURÍSIMAS DECLARACIÓNS

2008-09-02T20:56:00.002+01:00

...de Gabriel García Márquez. Parece ser que sufre como un can pola mala calidade do xornalismo escrito, xa que é difícil atopar auténticas xoias.

SUQUI PONSE RELIXIOSO

2008-09-02T10:23:00.003+01:00

No seu novo artigo en Vieiros, Yourhouses, xa lucense de adopción e baixo o quente manto de Orozco, fala de Santiago. En concreto, aborda A historia sen fin de Santiago Zebedeo.

Hoxe coinciden nos catro postos da parrilla os tres que pinchamos, que Moncho da Tablilla está moi pasota.

TURISMO CO DESTRIPADOR

2008-08-30T10:40:00.002+01:00

Non perdades este bo artigo de viaxes sobre a zona de East End de Londres, xa que fala do entorno no que se movía Jack The Ripper e tamén das exposicións e visitas guiadas que se fan sobre a súa figura para potenciar o turismo. Sempre me atraeu .

PACO

2008-08-29T17:12:00.001+01:00

Esta semana na sección de Paco non pincha Paco, pincho eu e pincho a Paco. A súa memorable actuación na sesión vermú do Felipop. As outras que andan por aí foron o quecemento.

NOITES ACTIVAS-DROGAS NON

2008-08-29T11:30:00.002+01:00

Hoxe toda a tropa está convocada ás 22.30 horas no campo de fútbol de Figueroa para participar nunha noite activa, actividade relacionada ao tempo con deixar o consumo de alcol e drogas. Incrible! Van xogar un partido de fútbol a esas horas! E ata vai Mate, lesionado hai 50.000 anos!

Supoño que o saque de honra será de Johan Cruyff e Luis del Olmo.

PÓKER DE VODAS

2008-08-29T11:29:00.003+01:00

E finalmente, agás un imprevisto destes que me faga caer para atrás, pecharei este 2008 cun póker de vodas, xa que Álvaro e Montse contarán comigo o 4 de outono no Grove. Parabéns.

VANITY FAIR

2008-08-29T11:26:00.002+01:00

A prestixiosa revista Vanity Fair comeza hoxe a súa andaina en España tras facer unha aposta de 12 millóns de euros. O primeiro número trae na primeira a Rania de Jordania e entrevistas con Mario Conde, Rafa Nadal e o xuíz Javier Gómez-Bermúdez. O grupo editorial que a impulsa foi o mesmo que se adentrou en España, hai 20 anos, coa revista Vogue.

QUEIMAR UN MILLÓN DE LIBRAS

2008-08-29T11:17:00.002+01:00

Non vos perdades esta reportaxe sobre a aventura dun músico, Bill Drummond, que quixo demostrar o fácil que é ser famoso e que rematou a súa historia Queimando un millón de libras preto dun acantilado escocés.

ARTIGO DO (NON)ADIANTO

2008-08-28T20:10:00.003+01:00

Rafa confirmouse hoxe como primeira pluma, xa que tan pronto como Touriño dixo que non adiantaba as eleccións, xa estaba colgado un artigo de seu sobre o tema en Vieiros. Se queredes saber o que pensa, só tedes que pinchar en Rafita.

MÁIS SOBRE O (NON)ADIANTO

2008-08-28T20:08:00.002+01:00

Aparte da opinión de Rafa, velaí tedes un enlace co artigo de Roberto sobre a mesma cuestión electoral. É ben certo que traballaron arreo onte co temiña.

EMPANADA E FELICITACIÓN

2008-08-28T19:57:00.002+01:00

Unha cita que polo momento pasou sen referencia foi a Festa da Empanada na Bandeira. Xa se afondou nela por outros lares, pero eu aproveito para citala con esta foto, que me serve que nin pintada para felicitar a María polo seu aniversario. A xa coñecida como "Non, está de vacacións" foi unha perfecta anfitriona.

A PASADA FIN DE SEMANA

2008-08-28T19:54:00.003+01:00

Quen dis que estaba celebrando o seu aniversario?

XANTARES DO DEZA E OUTROS

2008-08-28T12:01:00.002+01:00

Incorporo ao apartado de blogs, polo seu interese, o portal Xantares do Deza, onde Kg, Pablo, Vizoso e demais falan do seu, aínda que se centran especialmente no apartado gastronómico. Ademais tamén engadín diversos fotologs para non perderse... (TRÍO TERNURA, ATENTO).

LOLAPOP 2008

2008-08-28T11:50:00.002+01:00

Chega mañá a segunda edición do Lolapop de Ponte Caldelas, onde o pasado ano desfrutamos dun festival novo e certamente sorprendente. Tras as festas de presentación de Russian Red por diversos puntos de Galicia, mañá subiranse ao esceario dende as 20.00 horas Manos de Topo, Lori Meyers, Niño y Pistola, Jugoplastika, Niños Mutantes e Delorean. Para pechar, pincharán Iván DJ, Láser Yoyo e Dorian DJ.

Seguro que algúns destes caen por alí, mais a min vaime ser imposible.

PLANEADORA NA LANZADA

2008-08-28T11:46:00.002+01:00

Hai uns días, uns ¿descoñecidos? vararon unha planeadora en plena praia da Lanzada e prendéronlle lume para agochar as súas pegadas. Nos días seguintes, centos de fardiños chegaban á costa igualiño cas medusas.

P.D. Con tanto coñecido veraneando por alí...

HOXE TAMPOUCO...

2008-08-27T12:52:00.000+01:00

...me apetece e xa van dous seguidos... Estarei desenganchándome?

REMATA O VERÁN...

2008-08-26T11:31:00.003+01:00

Tras este desenfreo olímpico e rematado o tedio habitual de agosto, volvemos á normalidade, aínda que pouco a pouco. Hoxe comeza un periplo de quince sen parar, pero a fin de semana terei que achegarme ata A Estrada que teño cousas que facer.

SELECCIÓN DE BALONCESTO (e 18)

2008-08-25T23:35:00.002+01:00

José Calderón, Ricky Rubio, Raúl López, Rudy Fernández, Juan Carlos Navarro, Berni Hernández, Carlos Jiménez, Álex Mumbrú, Marc Gasol, Jorge Garbajosa, Felipe Reyes e Pau Gasol. Prata en Baloncesto.

SELECCIÓN DE BALONMÁN (17)

2008-08-25T23:31:00.002+01:00

Albert Rocas, David Barrufet, Jon Beláustegui, Rubén Garabaya, Alberto Entrerríos, David Davis, José Javier Hombrados, Víctor Tomás, Carlos Prieto, Demetrio Lozano, Juanín García, Cristian Malmagro, Iker Romero e Raúl Entrerríos. Bronce en Balonmán.

SELECCIÓN DE HOCKEY HERBA (16)

2008-08-25T23:27:00.002+01:00

Albert Sala, Álex Fábregas, David Alegre, Eduard Arbós, Eduard Tubau, Xabi Ribas, Francisco Cortés, Francisco Fábregas, Juan Fernández, Pol Amat, Ramón Alegre, Roc Oliva, Rodrigo Garza, Santi Freixa, Sergi Enrique e Enrique Sojo. Prata en Hockey Herba.

PÉREZ-CRAVIOTTO (15)

2008-08-23T14:18:00.003+01:00

Carlos Pérez (Galicia, 1979) e Saúl Craviotto (Catalunya, 1984). Ouro en Piragüismo. K-2 500 metros.

DAVID CAL (14)

2008-08-23T14:13:00.004+01:00

David Cal (Galicia, 1982). Prata en Piragüismo. C-1 500 metros.

EQUIPO DE SINCRONIZADA (13)

2008-08-23T14:07:00.002+01:00

Alba Marina Cabello, Irina Rodríguez, Täis Enríquez, Andrea Fuentes, Laura López, Gemma Mengual, Paola Tirados, Gisela Morón e Raquel Corral. Prata en Natación. Sincronizada por equipos.

ANIVERSARIO DE LAU

2008-08-22T11:03:00.002+01:00

Lau está hoxe de aniversario, supoño que un dos máis felices da súa vida e o derradeiro de solteira. Un bico e moitas felicidades.

21.100 MILLÓNS DE CLICKS

2008-08-22T10:38:00.002+01:00

Os monecos de Playmóbil, mundialmente coñecidos como clicks, xa son 21.100 millóns desde que comezaran a fabricarse e distribuirse no inicio da década dos setenta. Esta cifra supón que cada habitante do planeta ten unha media de tres macaquiños (eu a verdade é que a supero con creces por non falar dos barcos, o forte, a granxa...). Así, grazas a triplicar á poboación humana, se se colocaran en fila darían dúas voltas e media á terra.

CIRCUITO URBÁN DE VALENCIA

2008-08-22T10:33:00.002+01:00

Esta fin de semana celébrase en Valencia o G.P. de Europa de Fórmula 1. A cidade levantina estrea un precioso circuito urbano, que polo tanto é descoñecido para o público. Eso sí, xa se pode dar unha volta virtual a través deste vídeo, que xa foi visto máis de 170.000 veces. Dura 1,43 minutos. É unha chulada.

DAVID CAL (12)

2008-08-22T10:31:00.003+01:00

David Cal (Galicia, 1982). Prata en Piragüismo. C-1 1000 metros.

PRADOLONGO EN DONOSTI

2008-08-22T10:27:00.002+01:00

O filme galego Pradolongo, coa importante participación de Tamara, é sen dúbida a película máis destacada do país neste ano. Proba delo é que vai participar no Festival de Donosti na sección oficial denominada "Made in Spain".

ENCONTROS EN DONRAMIRO

2008-08-21T12:41:00.001+01:00

Colgo aquí, polo seu interese, o vídeo de KG sobre unha nova edición dos Reencontros Históricos de Donramiro da pasada fin de semana. Nel aparece a antiga Popea, hoxe xa coñecida como Farodevigus. Un bo traballo.

BOLT, MÁIS BÁRBARO

2008-08-21T12:38:00.002+01:00

O dos 19.30 nos 200 aínda me parece máis incrible, pero aquí non puido frearse. Michael Jhonson pasou a historia.

ECHÁVARRI-PAZ (11)

2008-08-21T11:08:00.002+01:00

Fernando Echávarri (1972) e Antón Paz (1976). Primeira medalla de Galicia. Ouro en Vela. Clase Tornado.

A POLO GHIT (O GAÑADOR)

2008-08-20T10:44:00.002+01:00

O gañador do concurso A Polo Ghit, que nomea oficiosamente á canción galega do verán, foi o grupo "Boy Elliot and the Plastic Bags" co seu tema "Planeta 19". Con el representarán a Galicia no festival de linguas minorizadas que se celebrará o 18 de outono en Laponia. Parece ser que Galicia tamén é pop.

A POLO GHIT (O PÚBLICO)

2008-08-20T10:41:00.002+01:00

O premio do público do concurso A Polo Ghit foi para o tema "Licor café", do grupo "SkandaloGZ". Se queredes coñecer a letra, escoitar o tema ou descargalo só tedes que pinchar nesta páxina de Vieiros.

MENGUAL-FUENTES (10)

2008-08-20T10:40:00.003+01:00

Gemma Mengual (Catalunya, 1977) e Andrea Fuentes (Catalunya, 1983). Prata en Natación. Dúo sincronizada.

125 ANIVERSARIO DE CHANEL

2008-08-19T12:37:00.002+01:00

Mademoiselle Gabrielle "Coco" Chanel naceu tal día coma hoxe hai 125 anos. Neste aniversario lémbrase a unha muller vangardista que introduxo o corte de pelo masculino nas mulleres, acurtar as faldas para amosar as pernas, o pantalón como prenda elegante para a muller, os vestidos rectos con colares longos, as xoias de fantasía e o uso do sombreiro de palla.

LLANERAS-TAULER (9)

2008-08-19T12:12:00.002+01:00

Joan Llaneras (Illas Baleares, 1969) e Toni Tauler (Illas Baleares, 1974). Prata en Ciclismo. Madison en pista.

RAFA E AS ELECCIÓNS

2008-08-19T11:36:00.003+01:00

Coma sempre, poucos días despois de Sucasas, chega a Vieiros o artigo de Rafa, que nesta ocasión trata sobre o adianto electoral cunha forte dose de crítica cara a utilización partidista da data das votacións.

LEIRE OLABERRÍA (8)

2008-08-18T11:21:00.002+01:00

Leire Olaberría (Euskadi, 1976). Bronce en Ciclismo. Puntuación en pista.

MARTÍNEZ-FERNÁNDEZ (7)

2008-08-18T11:16:00.003+01:00

Iker Martínez (Euskadi, 1977) e Xabier Fernández (Euskadi, 1976). Prata en Vela. Modalidade de 49er.

MÁIS SUCASAS

2008-08-18T11:13:00.002+01:00

Desta volta, e como non todo van ser xogos olímpicos, chega un novo artigo de Sucasas en Vieiros. No mesmo fala da realidade das cousas, con independencia da súa apariencia, incluso do nacionalismo de Rafa.

RAFAEL NADAL (6)

2008-08-17T17:48:00.002+01:00

Rafael Nadal (Illas Baleares, 1986). Ouro en Tenis. Individual masculino.

GERVASIO DEFERR (5)

2008-08-17T17:45:00.002+01:00

Gervasio Deferr (Catalunya, 1980). Prata en Ximnasia. Suelo individual.

RUANO-MEDINA (4)

2008-08-17T17:42:00.003+01:00

Virginia Ruano (Madrid, 1973) e Anabel Medina (Valencia, 1982). Prata en Tenis. Dobres Femininos.

9.69

2008-08-16T16:56:00.002+01:00

Usain Bolt, 9.69 nos 100 metros lisos e freándose cos brazos abertos nos derradeiros 20. Que barbaridade!

JOAN LLANERAS (3)

2008-08-16T13:00:00.003+01:00

Joan Llaneras (Illas Baleares, 1969). Ouro en Ciclismo. Puntuación en pista.

XIII AS NOSAS MÚSICAS

2008-08-14T10:49:00.004+01:00

Hoxe, a partires das 23.00 horas, o campo da festa de Couso acolle o XIII Festival As Nosas Músicas, un referente da música folk que cada ano achega a milleiros de persoas á parroquia estradense. Desta volta, actuarán en Couso "Serán de Mondariz-Pazos de Borbén", "Vai de baile", "Serra-lhe Aí", "Banda Potemkin" e "Fanfarria festicultores". Ademais, haberá zona de acampada no entorno e servizo de bus dende A Estrada. Será de 11.00 a 1.00 horas para ir á festa e de 4.30 ata o remate para o regreso.

Se queredes máis información podedes atopala no web de As Nosas Músicas.

P.D. Un ano máis destacar o traballo da Asociación A Xesteira, é dicir, Chiqui (que creo que cada ano fai menos) e demais mozos de Couso.

TANTO ESFORZO

2008-08-14T10:46:00.002+01:00

Tanto é o ¿esforzo e o traballo? que fan Chiqui e os seus compañeiros de Couso na organización de As Nosas Músicas que ao final descansan en calquer lado, como podedes ver na imaxe.

ADIANTO ELECTORAL?

2008-08-14T10:42:00.002+01:00

Todo apunta a que as eleccións galegas se adiantarán tanto polas presións que o PSOE está exercendo sobre o PSdeG como polo temor a un varapao ao gabinete Touriño se empeora a crise. Apuntade como posibles datas o 26 de outono ou o 9 de novembro.

P.D. A vantaxe sería que, agás outro adianto, non habería elecións serias en Galicia (as Europeas non as conto) ata maio de 2011 coas municipais. Dous anos e medio sen "feira".

APRAZAMENTO DA ALGARABÍA

2008-08-14T10:39:00.003+01:00

O colectivo cultural O Naranxo e demais colaboradores da Algarabía decidiron aprazar a vixésimo quinta edición deste festival popular de rúa ante as malas previsións meteorolóxicas da fin de semana. En todo caso, os organizadores xa traballan na busca dunha data alternativa para celebrar este certame. Cabe lembrar que a Algarabía, un dos elementos dinamizadores do verán en Lalín, suspendeuse en dúas ocasións en toda a súa historia.

DEZA.ORG

2008-08-14T10:33:00.003+01:00

Acabo de engadir un enlace ao web Deza.org, unha páxina non oficial da bisbarra que se actualiza a cotío. Cunha concepción completamente distinta, en certo sentido é como o ruxeruxe estradense, xa que non se trata do típico cauce oficial, polo que sempre é interesante botarlle unha ollada. Moi boa a súa axenda.

TEMPO DE LECER

2008-08-14T10:29:00.002+01:00

Cría que ía actualizar o blog coma sempre neste agosto, pero a verdade é que os xogos olímpicos convertéronse na miña principal adicción nestes días durante o tempo de lecer. Menos mal que só lle quedan once días.

CAÉUSENOS A "BABA", PACO O´RILEY

2008-08-12T00:32:00.003+01:00

Enorme a sesión vermú do Felipop. O nunca visto en anos. Tanteou o terreo co "About you" dos Teenage e, como viu que as cousas rodaban e o público albiscaba, arriscou ata o éxito. O dificilísimo "Baba O´Riley", de The Who, rozando o dez. A música perfecta, a voz, saiulle mellor a anterior. En todo caso, grande e moitos parabéns.

VICEPRESIDENTE POR SMS

2008-08-11T23:53:00.002+01:00

Barack Obama ten previsto anunciar o seu candidato a vicepresidente para a Casa Blanca en calquer momento e vía sms. Onde vai a xa tradicional rolda de prensa? Ou a filtración? Virá escrita a mensaxe correctamente ou con abreviaturas como fan os adolescentes? Cobrarán polo sms recibido ao estilo alertas para pagar a campaña?

XAN, OUTRA VODA NA "CASA"

2008-08-11T23:30:00.002+01:00

En setembro tamén terei outra voda da "casa", a de Xan, o xefe, e Emi. Casan na Estrada e logo a festa, que é a onde chegaremos os que traballamos ese día, será en Silleda. Así, repartíndose entre as prazas dos dous noivos. Moitas felicidades e por partida dobre, xa que en minutos estará de aniversario.

UNHA FRASE INTERESANTE

2008-08-11T23:01:00.003+01:00

"Os problemas non se resolven do modo que lle convén ao problema, senón do modo que lle convén a un mesmo"

Lina nun blog e parecíame digna de reproducir.

ANUNCIO DO GETAFE

2008-08-11T22:56:00.002+01:00

"Te quiero tanto que no quiero que me quieras" é o lema do agarimoso, sensible e ben feito anuncio do Getafe para captar socios para esta temporada. Se non o vichedes, non perdades a oportunidade. Chega ata o corazón.

FOTO DE FAMILIA NO FELIPOP

2008-08-11T10:20:00.002+01:00

Aquí está a xa tradicional foto de familia na sesión vermú do Felipop. Ao longo do día irei poñendo máis cousas, fotos e comentarios. Aburiño.

P.D. Moitas grazas a Marga, que si que é eficiente cando quere.

AVANCE DESDE FENE

2008-08-10T18:01:00.003+01:00

Estes vindeiros días colgarei información, incluindo fotos, da nosa presenza no Felipop de Fene, no que xa se repiten costumes coma o queixo manchego de especies, a igrexa de Gotham, os felibonos, os avós do centro cultural, o vermú rosso ou misturado... Nesta ocasión con Paco, Moni, Fon, Adriana, Marga, Dora (só durante o día) e tamén Guli, Cándido, Roi e a moza (e os cans), Vichi...

P.D. Gran éxito de Paco cos seus dous temas na sesión vermú.

PARROQUIA & ORTIGUEIRA

2008-08-10T17:55:00.005+01:00

Novo e impresionante dúo cómico xurdido en Laro, como se aprecia na imaxe. Xa houbo engádegas, como Ferrado, e imitacións, como Heavy Metal (nun claro intento de descentrar a Almu), pero nunca haberá nada como "Parroquia & Ortigueira".

JOSÉ LUIS ABAJO (2)

2008-08-10T17:49:00.002+01:00

José Luis Abajo (Madrid, 1978). Bronce en Esgrima. Espada en categoría masculina.